Silarsuarmi anguniagaq nr. 9.c: paasissutissanut aamma attaveqatigiinnermut teknologiimut atuisinnaatitaaneq annertuumik annertusarneqassaaq, anguniarneqassaarlu kikkut tamarmik internettimut atuisinnaatitaanissaat, aammalu akisuallaanngitsumik.

"Internetti niuernermut aqqutinngorsimavoq aammalu ilinniartitaanermut pitsaasumut tunngaviulersimavoq".

Silarsuarmi anguniagaq nr. 9.c anguniaraanni, pisariaqartinneqarput ataqatigiinnermut aaqqissuussinerit tatiginartut aamma qajannaatsut, tamakku qularnaassuaat ungaloqutit suliffissuaqarnermut ilaatitsiffiusunut aammalu atasinnaasunut. Silarsuarmi suliffissuit annerpaat, aammalu angusaqarluarnerpaat, paasissutissanik paasisanillu niuerniartarput.

Teknologiinik nutaaliorfiusunik atasinnaasunillu anguniagaqarneq

"Nunarsuaq tamakkerlugu nassuerutigineqarpoq, ingerlalluartumik aamma qajannaatsumik ataqatigiissaarinerit, inuiaqatigiinnut tamanut inerneqarluartumik toqqammaviusut. Siunissami unammillernarsinnaasut pakkisimaarfigisinnaaniarlugit tunisassiorfigut aamma ataqatigiissaarinigut qaffassarneqassapput. Tassunga atatillugu piujuartitsisumik teknologikkut nutaaliornerit siuarsartariaqarpagut aamma naleqatigiimmik nunarsuarmi tamanut atuuttunik paasissutissat aamma aningaasaliisinnaasut niuerfiit qulakkeerlugit. Tamanna inuulluarnermik suliffeqarfinnillu pilersitsissaaq aamma nunarsuaq tamakkerlugu nikeranngitsunik napalluartunillu inuiaqatigiinnik pilersitsinissarput qulakkiissavaa."

Inuiaqatigiinni ineriartortitsineq

"Naalakkersuisunut pingaaruteqarpoq attaveqatigiinneq pillugu suliniuteqarneq, tamatuma nalinginnaasumik inuiaqatigiit ineriartornissaat siuarsarsinnaavaa, aamma taamaalilluni arlalinnik inuussutissarsiornikkut aaqqissuussanik pilersitsiffigalugu, taakku nutaaliortunut aamma inuussutissarsiornernut inissaqartitsilissapput."