Radiup nipaa akornusersorneqaraangami seqquluppaluttarpoq, tv-lu akornusersorneqaraangami igalaasartaa titarneqalersinnaavoq, imaluunniit assitaa unissinnaavoq aamma ersarikkunnaarluni (pixelere).

Radiumi tv-milu siorsuk akornusersuinerlu arlalinnik pissuteqarsinnaavoq, soorlu:

• Arlallit sanileriillutik frekvens ataaseq atorunikku
• Radiukkut aallakaatitat imminnut akornusersorsinnaapput, kanalit arlallit ataatsikkoornerisigut, imaluunniit aallakaatitaq seqquluppalummik akornuserneqarsinnaavoq
• Radiup nipaanik akornusiineq imaluunniit tv-p nipaanik assitaanillu akornusiineq , pissuteqarsinnaavoq termostatip akornusersuineranik, imaluunniit aallakaatitsivimmik allamik, tamakkununnga ilaapput kajuminnerminnik radiunik sammisaqartut aallakaatitsineri
• Radiumi kanalinik immikkoortiterineq ajorsinnaavoq(taanna aaqqissorneqarsinnaanngilaq)
• Atortoq akornusersugaq ajoquteqarsinnaavoq
• Radiup imaluunniit tv-p tigooraasua ajoquteqarsinnaavoq
• Termostatinit atortunillu allanit kallerup innerata siorsuanik akornusiisinnaavoq
• Kallerup innerata aqqutaanit (højspænding) innaallannerit akornutaasinnaapput
• Aqqusinerni qulliit aserornikut akornusersuisinnaapput
• Radiut tv-llu allat signali piumasaq akornusersorsinnaavaat
• Illorsuit portusuut radiup tv-llu maligaasaanik akornusersuisinnaapput
• Maligaasanik tigooraasut sakkukippata, tigooraaneq ajornakusoorpat, signalip sakkortussusaa millisissinnaavaa

Qarasaasiani siorsummut akornusersuinermilu makku pissutaasinnaapput:

• Atortunik allanik kallerup inneranik atuisunik siorsuk
• Radiunik tv-nillu aallakaatitsivinniit akornusersuineq, tamakkununnga ilaassapput kajuminnerminnik radiunik sammisaqartut aallakaatitsivii
• Kallerup inneranik pilersuutit siorsutsitsisinnaapput, imaluunniit

Aqquteqanngittunik biilit atortui, biilit inaasa atortui, kalerrisaarutit atortui ajoquteqarsinnaapput, frekvensimik atueqataasoqarpat allanik qanittumi.

Pingaarpoq qularnaassallugu nammineq atortut ajoquteqannginnissaat.

Aajuku assersuutit, nammineq isumagisinnaasatit:

• Ataatsimoorussamik antenneqarussi, aallakaatitsisoq saaffigineqarsinnaavoq, imaluunniit najugaqatigiit peqatigiiffiannut aaqqeeqqusisinnaavutit.
• Angerlarsimaffissinni atortut kallerup inneranik atuisut qamissinnaavatit, akornusersuineq aallartikkaagat, taamaalillutit siorsutsitsisoq/akornusersuisoq paasisinnaavat
• Atortut aserornikut taarsikkit/aaqqissortikkit
• Nillataartitsivimmi qerititsivimmilu termostatit aserorsimappata taarsikkit
• Antennit kabelillu ajoqusersimappata taarsikkit
• Antennemut ikkuffiit fordelerillu puui ajoqusernikut taarsikkit
• Misissoruk atortoq akornusersugaq iluamik ikkunneqarsimanersoq. Tamanna ima paasisariaqarpoq radiumi tigooraavik programimut atorusutamut inississimanersoq imaluunniit inissilluarsimanersoq, aammalu tv-mut tigooraaviit kanalinut atorumasanut inississimanersut
• Nutaamik tv-mi kanali scannerneqarsinnaavoq imaluunniit firmware nutarterneqarsinnaavoq, imaluunniit
• Antennip sammivia iluamik sammiveqarnersoq misissorneqarsinnaavoq